Boreau Coffi Symudedd Artistiaid Rhyngwladol

Oes gennych chi gynlluniau ar gyfer teithiau a gweithgareddau yn yr UDA? Ydych chi wedi teithio neu weithio yno o’r blaen? Ydych chi’n teimlo’n barod neu oes gennych chi gwestiynau yr hoffech atebion iddynt?   

Yn ein bore (prynhawn) coffi nesaf bydd Matthew Covey, cyfreithiwr a Chyfarwyddwr Gweithredol Tamizdat, sy’n hwyluso ac yn eiriolwyr dros symudedd artistiaid rhyngwladol a chyfrennid diwylliannol, yn ymuno â ni. Tamizdat yw Pwynt Gwybodaeth Symudedd yr UDA ac maent yn aelodau o rwydwaith Pwyntiau Gwybodaeth Symudedd On The Move, fel ni.   

Ymunwch â ni i ddeall yn well ymarferoldeb yr hyn sydd ei angen arnoch i gael mynediad a theithio America o ran fisas, gan gynnwys unrhyw faterion cyfredol a newidiadau diweddar i fod yn ymwybodol ohonynt.   

Efallai y bydd gan rhai cwestiynau, neu bryderon, neu eisiau darganfod mwy cyn i chi ddechrau cynllunio eich taith.   

Bydd y sesiwn hon yn ddefnyddiol i unrhyw sefydliadau celfyddydau perfformio (theatr, dawns, cerddoriaeth ac ati) ac artistiaid unigol sydd wedi ymrwymo i, cynllunio neu sydd â diddordeb mewn teithio o amgylch UDA. Mae croeso i bawb; ond mae wedi’i anelu’n fwy penodol at artistiaid a sefydliadau sydd â pheth gwybodaeth am system fewnfudo America. Bydd y tudalennau hyn yn rhoi trosolwg i chi o’r system fewnfudo ac mae’n lle da i ddechrau cyn dod i'r sesiwn.   

Bydd digon o gyfle i ofyn cwestiynau yn dilyn trosolwg byr gan Matthew, ac rydym yn eich annog i gynnwys unrhyw gwestiynau sydd gennych fel rhan o’r broses gofrestru neu drwy eu hanfon yn uniongyrchol atom ar e-bost (infopoint@wai.org.uk) fel y gallwn deilwra’r sesiwn cymaint â phosibl i'ch anghenion.   

Bydd y sesiwn hon yn cael ei recordio, a bydd adnoddau’n cael eu rhannu ar ein gwefan.  

--- 

Yn agored i bob ffurf celfyddydol, gall ein boreau coffi ar-lein misol eich cysylltu ag artistiaid a sefydliadau creadigol eraill yn y DU i rannu heriau, cynlluniau ac uchelgeisiau sy'n rhan o weithio ar draws ffiniau. Bydd pob sesiwn yn cynnwys cyfraniadau gan bartneriaid a rhwydweithiau rydym yn gweithio gydag i rannu mewnwelediadau cyfredol a diweddariadau allweddol ynghylch symudedd rhyngwladol. 

Fel arfer, cynhelir y boreau coffi ar-lein bob dydd Mawrth cyntaf y mis rhwng 09:30-10:30am GMT. 

Bydd agenda pob sesiwn yn cael ei chreu gan yr hyn y byddwch chi a'r cyfrannwr gwadd yn dod i'r diwrnod: boed yn waith gweinyddol ar gyfer arddangosfeydd neu gynyrchiadau; cefnogi artistiaid i groesi ffiniau gyda rheolau mewnfudo newydd; neu'n syml i gysylltu ag eraill sy'n wynebu heriau tebyg. Ein nod yw creu rhwydwaith anffurfiol, cefnogol o gyfoedion â ffocws rhyngwladol. 

Mae capsiynau awtomatig ar gael trwy gydol y sesiynau.